حجاجوفيتش ومقارنة بين أسعار السيارات فى مصر وأوروبا

0 127

حجاجوفيتش : فعلا حاجة تحزن و تقهر الواحد .. ان بعد ما كنا كلنا مستنيين السنة الجديدة تبدأ عشان جمارك العربيات المستوردة من اوروبا تبقي صفر.. نتصدم كلنا و نلاقي ان الشركات اللي طول عمرها عاملة حجة ان الجمارك عالية فبالتالي اسعار العربيات غالية … راحت منزلة خصومات وهمية بتتراوح من ٥ ل ١٠ الاف جنية بالكتير … بعد ما كانوا زودوا اسعار العربيات ل اكتر من ٥ اضعاف سعرها الحقيقي في الكام سنة بس اللي فاتوا …

الكيا بيكانتو اللي بتتباع في مصر ب ٢٩٠ الف جنية بتتباع برة ب ٨ الاف يورو يعني ١٦٠ الف جنية يعني بتتباع في مصر ب حوالي ضعف السعر اللي في اوروبا … اللي كانت حتكون ب اقل من ٨٠ الف جنية لو الجنية مكانش اتعوم!!!!

و قيس علي كدة الكيا سيراتو اللي سعرها في اوروبا ب ١٣ الف يورو يعني حوالي ب ٢٦٠ الف واللي بتتباع في مصر ب ٣٩٠ الف جنية .. الهونداي ال i10 اللي يادوبك يركب فيها واحد لسة متجوز جديد بقي سعرها ٢٧٥ الف و ال اكسنت اللي كان سواقين التاكسي كلهم بيشتروها عشان رخيصة بقت ب ٢٨٠ الف ..

والله العظيم اللي بيحصل ده استغلال من شركات العربيات و نصب و احنا المفروض كلنا نشارك في حملة #خليها_تصدي و نقاطع شرا العربيات لمدة شهرين لغاية ما تصدي عند الشركات و يضطروا يبيعوها بالسعر الطبيعي ..لان ده الحل الوحيد مع ناس بتسرقنا كلنا و مش حاسة بمعاناتنا و معاناه الناس اللي بقالها سنين مش قادرين يشتروا عربية و متمرمطين في المواصلات كل يوم بسبب جشعهم… حسبي الله و نعم الوكيل…

Ahmed Haggagovic – أحمد حجاجوفيتش

- الإعلانات -

Loading...
%d مدونون معجبون بهذه: